| Статистика |
|---|
Онлайн всего: 1 Гостей: 1 Пользователей: 0 |
|
06:00 Булуу ыччаты сайдарын туhугар |
| Бүлүү ыччата сайдыылаах буоларын туһугар
Билиҥҥи олох тэтимигэр сөп түбэһэр инникитин ырыҥалаан көрөр, бэйэтин кыа5ар эрэллээх, уопсастыба5а туһалаах ыччаты иитэн таһаарыы “Кэскил” о5о киинин сайдар программатын сүрүн сыалынан буолар.
Программа чэрчитинэн быйылгы үөрэх дьылын устата түөрт төгүлүн улууспут о5олоругар анаан интеллектуальнай өйү, о5о толкуйдуур дьо5урун сайыннарыыга тэрээһиннэр, түмсүүлэр ыытылыннылар.
Программа олоххо киирэригэр «Өлүөнэ кыраайа» форум директорын научнай-методическай үлэ5э солбуйааччыта Семенов Юрий Иванович улахан суолталаах өйөбүл буолар.
Ол курдук үөрэх дьылын устата республикабытыгар киэҥник биллэр математика учуутала Гоголева Марианна Гаврильевна икки төгүлүн кэлэн о5олору кытта ыкса үлэлэстэ. Сайыҥҥы сынньалаҥ кэмигэр Покровскай куорат 3№-дээх оскуолатыттан 5 омук тылын билэр учуутал, Нигерияттан төрүттээх Бабатунде Марк Оладипо кэлэн 40 о5ону английскайдыы кэпсэтии тылыгар дьарыктаан барда.
О5о5о кыра сааһыттан логическай толкуйун сайыннарыы кини интеллектуальнай сатабылын үрдэтэрэ мэлдьэх буолбат. Дьарыктаммыт о5олор “толкуйдуурга үөрэннибит, логическай сорудахтары суоттуур олус интэриэһинэй эбит”, - диэн сэҥээриилэрин ылан, төрөппүттэр сыанабылларын истэн, оскуола5а эбии көмө буоларыгар “Логика” диэн 5-6 кылаас о5олоругар кэтэхтэн үөрэтэр математическай оскуола арыйдыбыт.
Сыл устата о5олор 4 сорудах толоруохтара. Сорудахтары республика биир бастыҥ үтүөлээх учуутала, Дьокуускай куорат республиканскай лицейын математига Кысылбаиков Илья Гаврильевич сүүмэрдээн ыытар уонна бэрэбиэркэлиир. Оскуола5а үөрэниэн ба5алаах о5олору күүтэбит.
Сорудахтары «Кэскил» сайтыгар (http://vilkeskil.ucoz.ru) киирэн ылыаххытын сөп. Координатордар: Слепцова Анна Васильевна (89143056973), Игнатьева Наталья Дмитриевна (89141039187).
Тэрээһиннэр Дьо5урдаах о5олору өйүүр фонда нөҥүө ыытыллаллар.
Убаастабыллаах төрөппүттэр! О5олоргут толкуйдуур дьо5урдарын үрдэтэр, суоттуур сатабылларын сайыннарыан ба5алаах буоллаххытына күүтэбит. “Логика” оскуола улуус о5олорун дьарыктыырга ыҥырар.
|
|
Просмотров: 393 |
Добавил: Кэскил
| Рейтинг: 0.0/0 |
|
|