Кулун тутар 12 күнүгэр Советскай Союз Геройа Н.С. Степанов аатынан
Бүлүүтээҕи 3 №-дээх орто оскуолаҕа «Саха саарыннара» научнай-практическай
конференция чэрчитинэн уол оҕону учуутал идэтигэр угуйууга, эр киһи учуутал
оруолун үрдэтиигэ, саха омук үйэлээх үгэстэрин, төрүт өйдөбүллэрин ыччакка
туттарыыга эр киһи учуутал тус көрүүтэ сыаллаах-соруктаах улахан дьоҥҥо секция
үлэлээтэ.
Бу хайысхаҕа
«Кэскил» Бүлүүтээҕи интеллектуальнай уонна айар дьоҕуру сайыннарар киин педагогтара: Шумилов Альберт Эдуардович,
Васильев Михаил Львович кыттыыны ыллылар. Альберт Эдуардович Шумилов «Музыка алыбар ылларан» диэн ааттаах «Сайдыы» вокальнай
куруһуогун салайааччытын быһыытынан үлэтин
опытыттан үллэһиннэ. Михаил Львович Васильев, «Аккорд» гитараҕа
куруһуогун салайааччыта "Музыка – сөбүлүүр дьарыгым” диэн ааттаах бэйэтин айар
үлэтин сырдатта.
Конференция түмүгэр педагогтарбытыгар Лауреат аатын иҥэрбиттэринэн
истиҥник эҕэрдэлиибит, сыралаах үлэҕит үтүө түмүктэрдээх буолуохтун диэн
алгыспытын аныыбыт!
|