2016
сыл ахсынньы ыйын 5 күнүгэр ыытыллыбыт олугу иилээн – саҕалаан ыыттылар
«Кэскил» оҕо айар уонна интеллектуальнай дьоҕурун сайыннарар киин түмсүүлээх
коллектива. Протокольнай хамыһыйа чилиэннэринэн методист Игнатьева Наталья
Дмитриевна, старшай методист Слепцова
Анна Васильевна үлэлээтилэр. Ыалдьыттары көрсүүгэ, арыаллааһыҥҥа Богарытова
Тамара Семеновна, Мальцева Екатерина Егоровна үлэлээтилэр.
Олук
иһигэр уопсайа 28 дакылааты иһиттибит, 30 киһи кыттыыны ылла, 6 киһи тэрийэр
үлэни ыытта.
Биһиги
тэрилтэттэн уопсайа 5 дакылаат ааҕылынна:
1.
Федорова
Мария Ивановна, «Ньургуhун» куруһуок
салайааччыта;
2.
Дмитриева
Мария Сидоровна, «Mary Poppins» куруһуок
салайааччыта;
3.
Тихонова
Мария Владимировна, «Гармония» куруһуок салайааччыта;
4.
Алексеева
Наталья Дмитриевна, методист;
5.
Уварова
Евгения Николаевна, «FANNY FRIENDS» куруһуок
салайааччыта.
Кыттааччылар
Сунтаар улууһуттан -1, Үөһээ Бүлүү улууһуттан -3, Бүлүү улууһуттан – 26.
Идэлэринэн
наардаатахха: оҕо уһуйаанын иитээччилэрэ – 10, саха тылын уонна литературатын
учууталлара – 4, төрүт культура учууталлара – 2, история учуутала – 1, физика
учуутала -1, нуучча тылын учуутала – 1, алын кылаас учууталлара – 3, эбии
үөрэхтээһин педагогтара – 3, үөрэнээччилэр – 2, устудьуон -1, музей үлэһитэ
(С.А. Зверев – Кыыл Уола аат. Элгээйитээҕи фольклор музейын сэбиэдиссэйэ) -1,
общественность бэрэстэбиитэлэ (Халбаакы нэһилиэгин баһылыгын солбуйааччыта) -1.
Дакылааттар экспертэр сэҥээриилэрин ыллылар, темалара
ордук хото ыччаты иитиигэ туһуламмыттар. Билиҥҥи үйэҕэ саха оҕотугар, ыччатыгар
олоҥхону хайдах тиийимтиэ буоларын курдук иитэр – үөрэтэр хайысхаҕа санаалары
иһиттибит. Дакылааттар таһымнара
үрдүктүк сыаналанна.
Ол курдук,
ыччакка олоҥхону үөрэтиигэ сүрүн болҕомтону олоҥхо ис хоһоонугар,
тылыгар-өһүгэр уурар тоҕоостооҕун бэлиэтэннэ, сахалыы ыраастык саҥарыыга үлэни
утумнаахтык ыытарга дьиэ кэргэнтэн, оҕо уһуйааныттан, оскуолаҕа, уопсастыбаҕа
биир ирдэбил быһыытынан буоларыгар
кыттааччылар санааларын үллэһиннилэр.
Олук үлэтин
түмүгэр маннык рекомендациялары ылынна:
1.
Олоҥхону
ыччакка үөрэтиигэ олоҥхо тылын - өһүн
уус – ураныгар, тутулугар буолбакка аан маҥнай сүрүн болҕомтону олоҥхо
ис хоһоонун оҕолорго үөрэтии, тиэрдии буолара оруннаах. Оҕо өйө - санаата
олоҥхону кытта төһө эрдэттэн билсэр да соччонон төрүт культуратыгар сыстар,
иҥэринэр. Оҕо көҕүн таба көрөн арыйар тоҕоостоох. Олоҥхо ис хоһоонун кэннэ дьэ
истиилэ, олуктара, ойуулуур - дьүһүннүүр ньымалара сэргэ, тэҥнээн көрөн, атын
предмеккэ алтыһыннара тутан үөрэтиллиэхтээхтэр. Онон олоҥхону уһуйааннарга,
оскуолаҕа биир кэлимсэ система быһыытынан үөрэтиллиэхтээх;
2.
Оҕо
уһуйааныгар, оскуолаҕа оҕоҕо, ыччакка
Айыы аймаҕын көмүскүүр, араҥаччылыыр ис хоһоонноох, суолталаах олоҥхону
үөрэтэргэ дьулуһуу ирдэбил быһыытынан тутуһуллуохтааах. Оҕоҕо саамай
кэрэхсэбиллээҕин, сатабыллааҕын талар ордук;
3.
Олукка ааҕыллыбыт тезистэри публикациялыыр
бэчээккэ таһаарарга санаабытын этэбит.
|