Бэс ыйын 15 күнүттэн «Ойоос» диэн сиргэ Саха
КВН лааҕыра
үлэтин түмүктээтэ. Бу лааҕырга Дьокуускай куораттан үс Саха КВН хамаандатын
ыччаттара кэлэн үөрэттилэр. Манна барыта 25 оҕо дьарыктанна.
Бастакы этэрээт аата «Харысхал», баһаатайдара Ализана диэн. Иккис этэрээт «Мичээрдэр», баһаатайдара Айыына. Онтон үһүс этэрээт «Кыайыы»
диэн ааттаах, баһаатайдара Коля. Бу 10 күн устата оҕолор элбэх
билбэттэрин биллилэр: хайдах КВНныыры, миниатюра айары, сыанаҕа хайдах
тутта-хапта сылдьары. Оҕолор бэйэ бэйэлэрин бу аҕыйах күн иһигэр
эдьиийдии - убайдыы курдук сананан, бэйэ-бэйэлэрин өйөһөн - өйдөһөн сырыттылар.
Мин бэйэм лааҕыры наһаа сөбүлээтим, «Харысхал» диэн
хамаандаҕа баар этим. Бастакы Ойооско кэлбит
күммүт сылаас да сылаас этэ. Кэлэн баран айылҕата дьиктитин,
хатын чараҥ кэрэтин, салгына ырааһын, күөх
сибэккиилээх хонуу ыраас көбүөр курдук чэлгийэ сытарын көрөн үөрбүппүт -
көппүппүт. Онтон дьэ бэйэ- бэйэбитинээн
билсиһэн, ооннньоон - көрүлээн барбыппыт. Иккис күнтэн саҕалаан 18 чыыьылаҕа буолар лааҕыр
аһыллыытыгар
бэлэмнэммиппит. Хамаанданнан сүбэлэһэн хаһыат оҥорон, миниатюра,
бэйэни билиһиннэрии айан эрчиллибиппит. Лааҕыр аһыллыытыгар
ыалдьыттаатылар улуус баһылыга С.Н. Винокуров, улуус үөрэҕириитин
салайааччыта М.Н.
Куличкина.
Оҕолор
төрөппүттэрэ кэлэннэр оҕолорун көрөн дуоhуйан
барбыттара. 
Лааҕыр
олоҕор араас интириэһинэй тэрээһиннэр буолан аастылар, ол курдук: «Бизнес игра», «Тропа
испытаний», араас күрэхтэр, эстафеталар. Ордук биьиги күнү күннээн миниатюралары бэлэмнээбиппит.
Лааҕырбыт
сабыллыытыгар Мисс уонна Мистер КВН диэн номинация кыайыылаахтарынан Алексеева
Катя уонна Гоголев Дьулустаан буолбуттара. Лааҕыр бүтэһик күнүн
иннигэр киэһэ хамаандалар мустан «огонектаабыппыт». «Огонекка» оҕолор бары лааҕырдарын
сөбүлээбиттэрин уонна барыахтарын баҕарбаттарын туһунан этиммиттэрэ. Баһаатайдарбыт эмиэ оҕолоругар наьаа
убаммыт этилэр. Биьиги бу күннэргэ эдьиий – убаай курдук баһаатайдарбытын хаһан да умнуохпут суоҕа. Дьэ, ити
курдук биьиги 10 күннээх Саха КВН лааҕырбыт наһаа
үчүгэйдик, туһалаахтык, умнуллубаттык ааста!
Сайыына Васильева, «Репортер»
«Кэскил» АИК, Бүлүү к.
|