Сэтинньи 22 күнүгэр, Киэҥ Бүлүү
улууһун ытык Бүлүү куоратыгар, Алгыс сынньалаҥ киинигэр XIX Республикатааҕы
оскуола оҕолоругар "САХА КВН" Булуу улууһун сүүмэрдиир түһүмэҕэ
буолан, тэриллэн ааста. Тэрээһиҥҥэ 8 хамаанда кыттан күөн көрүстүлэр, Сунтаар
улууһугар региональнай этапка барарга дьоһуннук кииристилэр. Саха оҕото
саталлааҕа, сыыдам өйө санаата, бөҕүөрбэт тыла өһө, тохтообот толкуйа, бэриммэт
ис сүрэҕэ бу оонньууга кырдьык даҕаны оннук эбит дэттэрэр курдук таһымнаах
киирсиини көрдөрдүлэр. Ол курдук, оонньуу олус тэтимнээх, көрүдьүөстэн таһынан
таһымнаах түгэннэри көрөөччүлэргэ бэлэхтээтэ.
Бастакы миэстэ:
"Муммуттар" - Халбаакы орто оскуолатын хамаандата. Салайааччы Андреев
Василий Афанасьевич
Иккис миэстэ: "Инники
кэскиллэр" - Бөтүҥ орто оскуолатын хамаандата. Салайааччы
Үһүс миэстэ: "Кындыл
сиэннэрэ" - Чочу орто оскуолатын хамаандата.
«Көрдөөх көкөт» (Мистер КВН) - Васильев
Сергей и Эрэмэс Бөтүҥ орто оскуолата
«Күн күлүүк» (Мисс КВН) - Михайлова
Валерия Чинэкэ орто оскуолата
«Саталлаах салайааччы» - Ефипанов
Павел Халбаакы орто оскуолата
«Көрөөччү биһирэбилэ» - «Абытай»
ИТЦ «Кэскил»
«Саха КВН эрэлэ» - «Мэник
мэнигийээн» Чочу орто оскуолата
«Алтан чуораан» - «Гоголев сиэннэрин
сиэннэрэ» Хампа орто оскуолата
«Бастыҥ дьиэтээҕи сорудах» - «Ту-стар»
Чинэкэ орто оскуолата
«Бастыҥ көрүдьүөс» - «Мастаахтар»
Балаҕаччы орто оскуолата
Саха омук баай тылын өһүн, мындыр
өйүн, культуратын кэнчээри ыччакка маннык тэрээһин нөҥүө көҕүлүүллэрин Бүлүү
улууһун Саха КВН-щиктарыгар биһи бары махтаныах уонна кинилэри өрүү өйүөх
тустаахпыт!
Бу тэрээһини өйөөбүт дьоммутугар:
1. Бүлүү улууһун үөрэҕирии
управлениятын салайааччытыгар Семенова Наталья Михайловнаҕа.
2. Бүлүү улууһун культуратын,
ыччат уонна дьиэ кэргэн политикатын управлениятын салайааччытыгар Дашевская
Алена Александровнаҕа.
3. Бүлүү улууһун ыччат уонна дьиэ
кэргэн политикатын отделын сүрүннүүр специалиһыгар Федорова Татьяна
Валерьевнаҕа.
4. Бүлүү куорат 2-с нүөмэрдээх
орто оскуолатын дириэктэригэр, улуустааҕы мунньах депутатыгар Новиков Михаил
Егоровичка.
5. Бүлүү куорат гимназиятын
дириэктэригэр - Федотов Дмитрий Кирилловичка.
6. ИТЦ "Кэскил"
дириэктэригэр - Васильева Саргылана Алексеевнаҕа.
7. Бүлүү куорат "Алгыс"
сынньалаҥ киинин дириэктэригэр, Бүлүү куорат мунньаҕын депутатыгар - Саввинова
Софья Мартыновнаҕа.
Уонна туспа барҕа махталбытын
тиэрдэбит "Саха КВН" Республикатааҕы общественнай тэрилтэтин Бүлүү
улууһунааҕы филиалын салайааччытыгар - Иннокентьев Гавриил Владимировичка!
"Саха КВН" өрүү баар
буол! Өрүү баар буол "Саха КВН"!
|