Бу дьыл ыам ыйын 5 күнүгэр Сэбиэскэй Союз норуодунай,
РСФСР уонна Саха АССР оскуолаларын үтүөлээх учууталлара, Ленин, Үлэ Кыһыл
Знамята, Аҕа дойду Улуу сэриитин иккис степеннээх орденнарын кавалера, А.Е.
Кулаковскай аатынан государственнай бириэмийэ лауреата, саха саарына - Михаил
Андреевич Алексеев төрөөбүт күнүгэр аналлаах тэрээһини кини аатын
үйэтитэр сквергэ, Н.И. Протопопова аатынан «Кэскил» о5о айар-тобулар дьоҕурун
сайыннарар киин үрдүк таһымҥа үөрүүлээх майгыга тэрийэн ыытта.
Эҕэрдэ тылы Бүлүү улууһун (оройуонун) муниципальнай
тэриллии баһылыгын солбуйааччыта Евсеев И.Н.,
Бүлүү улууһун үөрэх управлениетын салайааччыта Семенова Н.М., Михаил Андреевич Алексеев
уерэнээччилэрэ: "Сыа Бүлүү” тыа
хаһаайыстыбатын потребительскай кооперативын директорын солбуйааччыта Тарасов
И.Н., Бүлүү улууһун Инженернай-строительнай салалтатын директора Маисов М.С. эттилэр.
Салгыы үөрүүлээх түгэҥҥэ "Кэскил” оҕо айар-тобулар
дьоҕурун сайыннарар киин директора,
"Фонд поддержки одаренных детей” учредителэ Васильева Саргылаана
Алексеевна И.Л. Кондаков аатынан Бүлүүтээҕи гимназия 9 кылааһын үөрэнээччитигэр
Христофоров Владиславка сертификат туттарда, инникитин да ситиһиилэри баҕарда.
Тэрээһин норуот учуутала Михаил Андреевич Алексеев
үрдүк аатын үйэтитэр боруонса өйдөбүнньүгэр сибэкки дьөрбөтүн ууруунан түмүктэннэ.